Нацыянальны стэнд Беларусі сёлета плануецца прадставіць на 12 турыстычных выставах за мяжой.

        Гэта, у тым ліку, выставы ў Іспаніі, Ізраілі, Польшчы, Германіі, Пецярбургскі турысцкі форум у Расіі, форумы ў Азербайджане, Кітаі, Казахстане, а таксама World Travel Market у Вялікабрытаніі. Дарэчы, летась Беларусь на выставе ў Лондане была прадстаўлена пад слоганам "Невядомая зямля ў сэрцы Еўропы". Між тым, Нацыянальнае агенцтва па турызме падрыхтавала каляндар турыстычных падзей у Беларусі на 2016 год. У яго ўвайшлі канцэрты, выставы, тэатральныя форумы, абрадавыя святы, спартыўныя мерапрыемствы і іншыя падзеі. Тут пазначаны назвы мерапрыемстваў, іх даты і месца правядзення, кантакты арганізатараў.