Інвестпартфель Сусветнага банка ў Беларусі можа быць павялічаны

Інвестпартфель Сусветнага банка ў Беларусі можа быць павялічаны. Адпаведныя дамоўленасці абмяркоўваліся падчас сустрэчы намесніка прэм'ер-міністра Анатоля Калініна з кіраўніком прадстаўніцтва Сусветнага банка ў Беларусі Ян Чул Кімам. Падведзены вынікі рэалізацыі ў 2015 годзе праектаў у сферы жыллёва-камунальнай гаспадаркі і транспарту. Ян Чул Кім акцэнтаваў увагу на значным прагрэсе ў засваенні вылучаных Сусветным банкам сродкаў і высока ацаніў ўзровень работы ўрада і дзяржаўных органаў пры рэалізацыі праектаў. Па яго словах, у далейшым гэта станоўча адаб'ецца на прыняцці рашэнняў аб павелічэнні інвестыцыйнага партфеля Сусветнага банка ў Беларусі.