Нашчадкі Міхала Клеафаса Агінскага прымуць удзел у святкаванні 250-годдзя кампазітара ў Залессі.

        Адзначаць юбілей у сядзібе знакамітага кампазітара і грамадскага дзеяча будуць на працягу пяці дзён. 23 і 24 верасня там пройдзе міжнародная канферэнцыя "Спадчына М.К.Агінскага ў культуры трох народаў". Гасцям сядзібы пакажуць спектакль Мінскага абласнога драматычнага тэатра "Паланэзы на вяртанне". Галоўныя ўрачыстасці адбудуцца 25 верасня. У сядзібным парку адкрыюцца творчыя тэатралізаваныя пляцоўкі, будзе ладзіцца выстава і канцэрт з касцюміраваным балем.