Беларусь прапануе Пакістану супрацоўніцтва ў распрацоўцы радовішчаў карысных выкапняў.

       Пра гэта паведаміў намеснік старшыні Беларускай гандлёва-прамысловай палаты Уладзімір Улаховіч перад пасяджэннем беларуска-пакістанскага дзелавога савета. Таксама наша краіна разлічвае нарасціць пастаўкі машынабудаўнічай тэхнікі ў Пакістан. Па цэлым шэрагу беларускіх прадпрыемстваў ужо ёсць канкрэтныя дамоўленасці. Абмяркоўваецца і павелічэнне ўзаемных паставак прадуктаў харчавання. Уладзімір Улаховіч нагадаў, што праграму дзелавых мерапрыемстваў працягне беларуска-пакістанскі бізнес-форум і двухбаковыя перамовы паміж прадстаўнікамі дзелавых колаў. Плануецца, што ў адкрыцці бізнес-форуму возьме ўдзел прэм'ер-міністр Пакістана Наваз Шарыф.