Жэрар Дэпардзье наведаў беларускае пасольства ў Францыі

Вядомы кінаакцёр Жэрар Дэпардзье ў Дзень Незалежнасці Беларусі наведаў беларускае пасольства ў Францыі.

На сустрэчы з паслом нашай краіны Паўлам Латушкам кінаакцёр адзначыў, што сёння не так шмат краін, якія, як Беларусь, здольныя праводзіць самастойную палітыку ў інтарэсах сваіх народаў. Жэрар Дэпардзье азнаёміўся з размешчанай на агароджы амбасады выставай "Арт Zabor", у якой сабраны рэпрадукцыі карцін сучасных беларускіх мастакоў. Акцёр падкрэсліў, што высока ацэньвае намаганні, якія пасольства прыкладае для знаёмства французаў з Беларуссю.