З аншлагам прайшлі гастролі Рэспубліканскага тэатра беларускай драматургіі ў Кыргызстане.

         Значнасць прыезду беларускіх акцёраў настолькі вялікая, што гастролі атрымалі гучную назву беларуска-кыргызскі тэатральны тыдзень. Публіка цёпла прымала спектакль "Ціхі шэпат сыходзячых крокаў", які ў Беларусі паставіў малады рэжысёр з Кыргызстана Шаміль Дыйканбаеў. Спектакль атрымаў шырокі рэзананс, а таксама міжнародны фестывальны поспех. Ён прымаў удзел у фестывалі "Славянскія тэатральныя сустрэчы" ў Бранску, а ў Бішкек прыехаў пасля трыумфальнага выступлення на Міжнародным тэатральным фестывалі імя А.П.Чэхава ў Маскве.