У Беларусі пачалі распрацоўку магутнага гусенічнага камбайна.

        Ён прызначаны для палёў з вялікай ураджайнасцю. Такі заказ у "Гомсельмаша" зрабіла Амурская вобласць Расіі. Кампанія ўжо мае вопыт. Але новая машына будзе мець аптымізаваную сістэму кіравання і хадавую частку. Камбайны аднаго з найбуйнейшых вытворцаў сельгастэхнікі маюць высокі рэйтынг. Доследны ўзор гусенічнай машыны "Гомсельмаш" плануе выпусціць ужо сёлета.