Міністэрства замежных спраў Беларусі працуе над лібералізацыяй візавых правіл.

        Міністэрства замежных спраў Беларусі працуе над лібералізацыяй умоў паездак беларусаў у замежныя дзяржавы і іншаземцаў у Беларусь. Аб гэтым заявіў сёння начальнік галоўнага консульскага ўпраўлення МЗС Беларусі Ігар Фісенка, перадае БЕЛТА. З 1 студзеня 2015 года ўступілі ў сілу змяненні і дапаўненні ў Візавыя правілы Беларусі, якія спрасцілі парадак выдачы шэрагу катэгорый віз. Паводле інфармацыі МЗС Беларусі, у 2014 годзе беларускія дыпламатычныя прадстаўніцтвы і консульскія ўстановы выдалі візы больш як 381 тыс. замежных грамадзян. Пры гэтым большасць віз выдаецца ў спрошчаным парадку, а звыш 63 тыс. замежных грамадзян атрымалі беларускія візы бясплатна.