Беларусь выступае за адмену якіх бы там ні было санкцый.

        Беларусь выступае за адмену якіх бы там ні было санкцый, бо яны ўплываюць непасрэдна на ўзровень жыцця простых людзей. Пра гэта заявіў Прэзідэнт Беларусі Аляксандр Лукашэнка на цырымоніі ўручэння даверчых грамат пасламі замежных дзяржаў. Прэзідэнт падкрэсліў, што адыходзячы 2014 год стаў адным з самых складаных у сусветнай палітыцы за апошнія некалькі гадоў. Па яго словах, некаторыя дзяржавы імкнуцца ўплываць не толькі на рэгіянальныя працэсы, але і спрабуюць змяніць глабальны баланс сіл. Вынік - рост напружанасці ў свеце, зніжэнне даверу да партнёраў, санкцыйнае процістаянне. Аляксандр Лукашэнка адзначыў, што Беларусь цалкам падтрымлівае раўнапраўнае супрацоўніцтва паміж краінамі, пазбаўленае націску і прымушэння.