Беларусь прымае ўдзел у 78-й Генеральнай асамблеі Міжнароднай электратэхнічнай камісіі

Беларусь прымае ўдзел у 78-й Генеральнай асамблеі Міжнароднай электратэхнічнай камісіі ў Токіа.

Больш за 2 тыс. сусветных лідараў прамысловасці і экспертаў у галіне электратэхнікі і электронікі з розных краін, у тым ліку Беларусі, сабраліся для пошуку практычных рашэнняў у мэтах стварэння больш бяспечнага і ўстойлівага свету.

Тэма 78-й Генеральнай асамблеі - "Інтэграцыя ў мэтах разумнага свету". Беларуская дэлегацыя правядзе падчас форуму дзелавыя сустрэчы і перамовы, у тым ліку, якія тычацца пытанняў падрыхтоўкі да правядзення ў 2015 годзе 79-й Генеральнай асамблеі МЭК ў Мінску, а таксама звернецца з афіцыйным запрашэннем прыняць у ёй актыўны ўдзел.

Беларусь - паўнапраўны член Міжнароднай электратэхнічнай камісіі з 1993 года.