У Мінску адкрыўся фестываль фільмаў для дзіцячай і юнацкай аўдыторыі

У рамках міжнароднага кінафестывалю “Лістапад”, які праходзіць у Мінску, адкрыўся фестываль фільмаў для дзіцячай і юнацкай аўдыторыі–“Лістападзік”.

Кожны год фестываль праходзіць пад сваім індывідуальным слоганам і ставіць перад сабою пэўную задачу. У гэтым годзе апроч агульнага лістападаўскага дэвізу "Такое рознае кіно" ў дзіцячага форуму мэта: звярнуць увагу на сусветную праблему падрастаючага пакалення - часам хваравітай захопленасці камп'ютарамі, гаджатамі, мабільнымі тэлефонамі і віртуальнымі гульнямі. Сёлета на конкурсе свае стужкі будуць дэманстраваць кінематаграфісты краін Еўропы, ЗША, Кітая, Блізкага Усходу і Лацінскай Амерыкі.