Беларусь гатова выбудоўваць адносіны з ЕС і ЗША, але не на шкоду нацыянальным інтарэсам.

       Беларусь гатова выбудоўваць адносіны з ЕС і ЗША, але не на шкоду нацыянальным інтарэсам. Аб гэтым заявіў Прэзідэнт Рэспублікі Беларусь Аляксандр Лукашэнка ў час рабочай сустрэчы з міністрам замежных спраў Уладзімірам Макеем, паведамляе БЕЛТА. Па словах кіраўніка дзяржавы, ў планы Беларусі ні ў якім выпадку не ўваходзіць стварэнне дадатковай напружанасці з Еўрапейскім саюзам, - сказаў кіраўнік дзяржавы. “У нас і так хапае напружанасці, нам трэба разрульваць гэту сітуацыю, але не на шкоду нашай краіне" – адзначыў Прэзідэнт Беларусі. У ходзе рабочай сустрэчы Аляксандра Лукашэнкі і міністра замежных спраў была таксама закранута беларуска-расійская тэматыка і пытанні, звязаныя з сітуацыяй ва Украіне: выкананне раней дадзеных Прэзідэнтам Беларусі даручэнняў па эканамічным супрацоўніцтве з гэтай краінай.