Кірмашовы настрой будзе панаваць у Дрыбіне 2 жніўня.

       Тут пройдзе IV рэгіянальны фестываль народнай творчасці, промыслаў і рамёстваў "Дрыбінскія таржкі". Госці свята змогуць наведаць некалькі пляцовак: у краме "Зёлкі" набыць лекавыя травы, у "Шалёнай бджылцы" пачастуюць мёдам ды медавухай. Хлеб, выпечаны па старадаўнім рэцэпце, можна будзе прадэгуставаць ў краме "Добра скеніць". Таксама мясцовыя майстры-шапавалы прадставяць валёнкі і вырабы з воўны. Дарэчы, наведвальнікі і самі паспрабуюць зваляць валёнкі. Забаўляць гасцей свята будуць каля 30 творчых калектываў з Беларусі і Расіі.