Беларусь і Расія разглядаюць розныя механізмы адмены экспартных пошлін на нафтапрадукты для беларускага боку.

        Беларусь і Расія разглядаюць розныя механізмы адмены экспартных пошлін на нафтапрадукты для беларускага боку, паведамляе БЕЛТА. Аб гэтым паведаміў першы намеснік прэм'ер-міністра Беларусі Уладзімір Сямашка. Першы намеснік кіраўніка ўрада адзначыў, што для Беларусі гэта вельмі важнае пытанне. Ён нагадаў, што раней прэзідэнты Беларусі і Расіі дамовіліся "не заглядаць далей за 2015 год, паколькі сітуацыя дынамічна змяняецца". З улікам абставін, у 2015 годзе плануецца вырашыць, якім чынам тыя вывазныя пошліны на нафтапрадукты пакінуць у распараджэнні Беларусі. "Было б абсалютна правільна, калі б такое выключэнне было знята", - лічыць першы віцэ-прэм'ер.