Узброеныя Сілы Беларусі гатовы да далейшага развіцця супрацоўніцтва з Кітаем

Узброеныя Сілы Беларусі гатовы да далейшага развіцця супрацоўніцтва з Кітаем, паведамляе БЕЛТА. 

Такую думку выказаў міністр абароны Беларусі Юрый Жадобін на сустрэчы з Надзвычайным і Паўнамоцным Паслом Кітайскай Народнай Рэспублікі ў Беларусі Цуй Цымінам. У ходзе сустрэчы бакі адзначылі агульнасць інтарэсаў і палітычных поглядаў дзвюх краін, дынамічнае і планамернае развіццё ваеннага супрацоўніцтва. Міністр абароны Беларусі падкрэсліў, што такое ўзаемадзеянне з'яўляецца яркім сведчаннем сяброўства паміж беларускім і кітайскім народамі, якія заўсёды гатовы аказаць адзін аднаму неабходную падтрымку.