Прэм'ера фільма Аляксандра Міты пра Марка Шагала пройдзе ў 17 кінатэатрах Беларусі

      Прэм'ера фільма Аляксандра Міты пра Марка Шагала пройдзе ў 17 кінатэатрах Беларусі, перадае БЕЛТА. Прадпрэм’ерны паказ фільма адбудзецца 31 сакавіка ў Маскве. У Віцебску і іншых гарадах Беларусі разам з сусветнай прэм’ерай яго паказ стартуе 3-га красавіка. Усяго ў розных рэгіёнах Беларусі вызначаны 17 кінатэатраў, дзе будзе дэманстравацца стужка. Гэта абумоўлена іх тэхнічнай абсталяванасцю, якая дазваляе ў поўнай меры прадэманстраваць эфекты, выкарыстаныя пры стварэнні фільма. Хронаметраж "Шагала - Малевіча" – амаль дзве гадзіны. Усе натурныя здымкі праходзілі ў Віцебску, дзе захаваліся і дом Шагала, і школа мастацтваў, якую ён стварыў.