Беларусь прыхільна да развіцця канструктыўнага ўзаемадзеяння з АБСЕ, заснаванага на раўнапраўі і ўзаемнай павазе.

          Беларусь нязменна прыхільна да развіцця канструктыўнага ўзаемадзеяння з АБСЕ і яе інстытутамі, заснаванага на раўнапраўі і ўзаемнай павазе. Пра гэта заявіў старшыня Пастаяннай камісіі Савета Рэспублікі Беларусі па міжнародных справах і нацыянальнай бяспецы, намеснік кіраўніка дэлегацыі Нацыянальнага схода Беларусі ў ПА АБСЕ Уладзімір Сянько. Сенатар звярнуў увагу на важнасць паступальнага, эвалюцыйнага развіцця дэмакратыі ў краінах АБСЕ і контрпрадукцыйнасць дзеянняў, накіраваных на штучнае паскарэнне працэсаў дэмакратычнага развіцця. Ён крытычна ацаніў ангажаванасць Агульнага камітэта ПА АБСЕ па дэмакратыі, правах чалавека і гуманітарных пытаннях і яго прадузятае стаўленне да развіцця сітуацыі ў Беларусі. Нагадаем, парламенцкая дэлегацыя нашай краіны прымае ўдзел у XIII зімовым пасяджэнні ПА АБСЕ ў Вене.