Праблемы захавання фальклорных архіваў Беларусі і Расіі абмяркуюць ўдзельнікі семінара ў Санкт-Пецярбургу.

         Праблемам захавання і вывучэння гукавых фальклорных архіваў Беларусі і Расіі будзе прысвечаны экспертна-медыйны семінар, які пройдзе 11-12 лістапада ў Санкт -Пецярбургу ў Інстытуце рускай літаратуры Расійскай акадэміі навук. Мэта мерапрыемства - выпрацаваць рэкамендацыі і прапановы па ўдасканаленні далейшай сумеснай работы па захаванні, рэстаўрацыі, вывучэнні і выданні гукавых архіваў твораў фальклору. На працягу ста гадоў навукоўцы Інстытута рускай літаратуры вялі мэтанакіраваную работу па збіранні узораў вуснай народнай творчасці, дзякуючы чаму Фанаграмаархіў налічвае сёння больш за 200 тыс. фанаграм, з'яўляецца найбуйнейшым у свеце сховішчам гуказапісаў фальклору і ўключаны ў Сусветны рэгістр праграмы “Памяць Свету” ЮНЕСКА. Найважнейшую частка гістарычных архіваў складаюць фальклорныя запісы, выкананыя на тэрыторыі Беларусі з 1908 па 1938 год. У гучанні гэтага вельмі багатага матэрыялу захаваліся ўзоры рэдкіх і нават знікшых жанраў фальклору, а частка матэрыялу гучыць на забытых сёння дыялектах.