Кангрэс мясцовых і рэгіянальных улад Савета Еўропы вывучае вопыт развіцця мясцовага самакіравання ў Беларусі

Дэлегацыя Кангрэса мясцовых і рэгіянальных улад Савета  Еўропы вывучае вопыт  развіцця мясцовага самакіравання ў Беларусі. Члены  дэлегацыі наведалі Савет  Рэспублікі Нацыянальнага схода , дзе сустрэліся са  старшынёй Пастаяннай  камісіі па рэгіянальнай палітыцы і мясцовым самакіраванні Святланай Герасімовіч. Яна выказала надзею, што візіт дапаможа пашырыць узаемадзеянне Кангрэса і Савета  па ўзаемадзеянні органаў мясцовага самакіравання.

У сваю чаргу старшыня Палаты мясцовых улад Кангрэса Жан-Клод Фрэкон адзначыў, што мэта візіту ў Беларусь - абмяняцца меркаваннямі з нагоды развіцця мясцовага самакіравання, а таксама абмеркаваць арганізацыю семінара па гэтых пытаннях з удзелам экспертаў як з боку Савета Еўропы, так і Беларусі.