Прэзентацыя альбома лаўрэата прэміі Прэзідэнта Рэспублікі адбылася ў Мінску (Відэа)

Сёння ў рамках праекта «У пошуках страчанага» адбылася прэзентацыя альбома лаўрэата прэміі Прэзідэнта Рэспублікі Беларусь Уладзіміра Ліхадзедава «Шматнацыянальная Беларусь».

Альбом “Шматнацыянальная Беларусь” з’яўляецца неад’емнай часткай праекта «У пошуках страчанага». Выданне распавядае не пра асобны горад ці мястэчка, а аб Беларусі увогуле і адну з найхарактэрных для нашай краіны рыс – яе шматнацыянальнасць і шматканфесійнасць. Кніга вяртае нас на стагоддзе назад і паказвае, што і ў той час людзі жылі ў міры і згодзе: займаліся рамяством, дапамагалі адно аднаму, шчыра працавалі, развівалі мірныя традыцыі продкаў, якія трэба захоўваць.

У аснове альбома – больш за чатыры сотні паштовак і фотаздымкаў канца ХІХ–ХХ стагоддзяў з прыватнай калекцыі аўтара.

Сярод наведвальнікаў прэзентацыі быў намеснік кіраўніка Адміністрацыі Прэзідэнта Андрэй Кунцэвіч.