Беларусь зацікаўлена ў хутчэйшым дасягненні міру ва Украіне.

         Аб гэтым заявіў ў Берліне кіраўнік Міністэрства замежных спраў Беларусі Уладзімір Макей пасля перагавораў са сваім германскім калегам Франкам-Вальтэрам Штайнмаерам. Мы спрабуем зрабіць усё магчымае для стабілізацыі сітуацыі, дадаў ён. На яго думку, канфлікт ва Украіне "ўяўляе пагрозу для бяспекі ўсяго рэгіёна". У сваю чаргу Франк-Вальтэр Штайнмаер па выніках перагавораў заявіў, што былі абмеркаваны перспектывы збліжэння Беларусі з ЕС. Нармалізацыя адносін - у агульных інтарэсах. Мы павінны зрабіць спробу аднавіць давер, сказаў ён. Міністр адзначыў, што ў Беларусі "адбываецца рух", які дае магчымасць гэта зрабіць.