Аздараўленне ў "Зубронку" пройдуць 46 дзяцей з Кітая

Аздараўленне ў лагеры "Зубронак" пройдуць 46 дзяцей з Кітая. Гэты візіт стане жэстам у адказ кітайскаму боку: летась беларускія дзеці праходзілі аздараўленне ў Кітаі. У праграму адпачынку уключаны не толькі аздараўленчыя працэдуры. Госці з Паднябеснай будуць удзельнічаць у адукацыйных, забаўляльных мерапрыемствах. Таксама для іх арганізуюць знаёмства з гістарычнай і культурнай спадчынай Беларусі. Аздараўленне ў "Зубронку" сёлета прайшлі каля 100 дзяцей з Японіі, пацярпелых ад аварыі на АЭС "Фукусіма". Усяго ў гэтым сезоне ў лагеры адпачывалі прадстаўнікі 12 краін.