Беларусі і Чэхіі трэба больш актыўна развіваць рэгіянальнае супрацоўніцтва.

      Такое меркаванне выказаў Надзвычайны і Паўнамоцны Пасол Чэшскай Рэспублікі Мілан Экерт у час сустрэчы са старшынёй Брэсцкага аблвыканкама Канстанцінам Сумарам. Паводле слоў Канстанціна Сумара, у вобласці ёсць пэўныя напрацоўкі ў плане эканамічнага супрацоўніцтва з Чэхіяй. У рэгіёне дзейнічае шэраг прадпрыемстваў чэшскіх інвестараў, якія нядрэнна сябе зарэкамендавалі ў сферы энергетыкі і лагістыкі. Выхад эканамічнага супрацоўніцтва паміж дзвюма краінамі на новы, больш высокі ўзровень Мілан Экерт лічыць сваёй галоўнай місіяй. Пводле яго слоў, па выніках 2013 года Чэхія з'яўляецца дзявятым імпарцёрам Беларусі. Гэтымі днямі ў Мінску 12 чэшскіх фірм удзельнічаюць у выстаўцы машынабудавання.