Экспарт транспартных паслуг за першае паўгоддзе перасягнуў $2 млрд

Фота: belta.by

Экспарт транспартных паслуг за першае паўгоддзе перасягнуў $2 млрд. Аб гэтым далажыў Прэзідэнту Беларусі Аляксандру Лукашэнку міністр транспарту і камунікацый Аляксей Аўраменка, перадае карэспандэнт БЕЛТА.

Паводле слоў міністра, за першае паўгоддзе экспарт транспартных паслуг вырас на 19 працэнтаў у параўнанні з аналагічным перыядам мінулага года і перасягнуў $2 млрд. "Па годзе мы арыентуемся недзе ў раёне $4 млрд, - сказаў Аляксей Аўраменка. - Амаль палавіна (44,5 працэнта) усіх паслуг па краіне - транспартныя паслугі".

"Калі вы вытрымаеце да канца года гэты тэмп, то будзеце проста малайцы", - адзначыў кіраўнік дзяржавы.

У цэлым па транспартнай дзейнасці адзначаецца паляпшэнне ўсіх фінансавых паказчыкаў. Выручка ад рэалізацыі прадукцыі, тавараў, работ, паслуг павялічылася на 20,3 працэнта, рэнтабельнасць продажаў - на 1,7 працэнтнага пункта. Затраты на вытворчасць і рэалізацыю прадукцыі знізіліся на 2 працэнты.