Завяршыўся дзяржаўны візіт Старшыні КНР Сі Цзіньпіна ў Беларусь.

         СМІ ўжо назвалі яго гістарычным. Дасягнуты шматлікія дамоўленасці, падпісаны дакументы на рэкордныя сумы. Так, Кітай выдзеліць Беларусі крэдыты больш як на 7 млрд долараў. Як заявіў па выніках Беларуска-кітайскага міжрэгіянальнага бізнес-форуму міністр эканомікі Беларусі Уладзімір Зіноўскі, 3 млрд долараў - гэта льготнае крэдытаванне і 4 млрд - камерцыйны крэдыт банкам для фінансавання бізнес-праектаў. Акрамя таго, кітайскі бок прадаставіць нашай краіне тэхнічную дапамогу ў памеры 800 млн юаняў на тры гады. Яна будзе нацэлена перш за ўсё на сацыяльныя праекты, развіццё інфраструктуры, ініцыятывы малога і сярэдняга бізнесу.