Кнігі кітайскіх аўтараў выходзяць у свет на беларускай мове ў выдавецкім доме "Звязда".

         Кніга "Беларусь вачамі кітайцаў" - творчы праект, у якім сабраны ўражанні кітайскіх палітолагаў, вучоных, журналістаў, якія прыязджалі ў нашу краіну ў розныя гады. Зборнік выдадзены ў Пекіне на кітайскай мове, пераклад зроблены ў Беларусі. Завяршаецца пераклад на беларускую мову вядомай кнігі "Кітайцы. Мая краіна і мой народ", якая ўбачыла свет у розных краінах свету на розных мовах. Нядаўна ў выдавецтве выйшаў альбом, які расказвае аб работах вядомага скульптара Уладзіміра Слабодчыкава. У ім можна ўбачыць, у тым ліку, фатаграфіі скульптурных кампазіцый, устаноўленых у розных гарадах Кітая.