Пытанні развіцця еўразійскай інтэграцыі абмяркоўваюць у Маскве прэм'ер-міністры Беларусі, Расіі і Казахстана. У планах перамоваў - падрыхтоўка праекта дагавора аб Еўразійскім эканамічным саюзе, базавыя прынцыпы якога  прэзідэнты "тройкі" ўзгаднілі ў снежні мінулага года. Дагавор аб стварэнні інтэграцыйнага аб'яднання павінен быць гатовы ўжо да мая, а ўступіць у сілу, як чакаецца, з 1 студзеня. Таксама прэм'ер-міністры Беларусі, Расіі і Казахстана абмяркуюць шэраг іншых пытанняў, у прыватнасці дзяржпадтрымку аграпрамысловага комплексу.