Радыё "Беларусь" сумесна з галоўнай дырэкцыяй міжнародных сувязей Белтэлерадыёкампаніі з 1 сакавіка па 15 мая праводзяць віктарыну "Гасцінная Беларусь". Віктарына арганізавана ў Год гасціннасці невыпадкова. Яе мэта - папулярызацыя ведаў аб Беларусі сярод міжнароднай грамадскасці. Слухачы павінны будуць адказаць на пытанні па наступных тэмах: насельніцтва, тэрыторыя, дзяржаўнае ўладкаванне, гісторыя, культура, спорт і турызм. У эфіры заданні будуць агучваць на васьмі мовах вяшчання: англійскай, беларускай, іспанскай, кітайскай, нямецкай, польскай, рускай і французскай. Пераможцаў узнагародзяць дыпломамі і каштоўнымі падарункамі. Уладальнік першага месца атрымае запрашэнне прыняць удзел у мерапрыемствах XXIII Міжнароднага фестывалю мастацтваў "Славянскі базар у Віцебску". Палажэнне аб правядзенні конкурсу і навіны віктарыны можна знайсці на сайтах радыё "Беларусь" і Белтэлерадыёкампаніі.