Дэлегацыя на чале з намеснікам міністра замежных спраў Беларусі Валянцінам Рыбаковым наведвае з візітам Хартум (Рэспубліка Судан).

Асноўнай мэтай візіту з'яўляецца падрыхтоўка да правядзення другога пасяджэння сумеснай беларуска - суданскай камісіі па супрацоўніцтве. Запланаваны сустрэчы з кіраўніцтвам шэрагу суданскіх міністэрстваў, а таксама ў парламенце Судана.  Таксама будзе праведзены першы раўнд кансультацый паміж міністэрствамі замежных спраў, плануецца абмеркаваць пытанні супрацоўніцтва, узмацнення ўзаемадзеяння дзвюх краін у міжнародных арганізацыях, развіцця дагаворна -прававой базы двухбаковага ўзаемадзеяння.