Фота: belta.by

Пасяджэнне Савета міністраў замежных спраў АДКБ прайшло ў фармаце відэаканферэнцыі. Удзел у ім прыняў і генеральны сакратар арганізацыі Станіслаў Зась. На парадку дня - стан і перспектывы развіцця глабальнай і рэгіянальнай бяспекі, а таксама ключавыя аспекты дзейнасці АДКБ. Ўдзельнікі падвялі вынікі старшынства Расіі ў арганізацыі (цяпер яно перашло да Таджыкістана). Асаблівая ўвага была нададзена ўзаемадзеянню АДКБ з ААН. Нагадваем, напярэдадні - пастаянным і паўнамоцным прадстаўніком Беларусі пры АДКБ прызначаны Вячаслаў Раменчык.

Надыходзячы 2021-ы год у беларускай арміі абвешчаны годам баявой гатоўнасці. Яна застанецца прыярытэтам у працы Узброеных Сіл. Адзін з ключавых кірункаў – кантроль дзяржаўнай мяжы. Забяспечваць бяспеку паветраных межаў войскам СПА дапамогуць высокія тэхналогіі. На ўзбраенне аднаго з падраздзяленняў Заходняга аператыўнага камандавання паступілі новыя лічбавыя радыёрэлейныя станцыі. Сучасная тэхніка дазваляе за долі секунды сканіраваць велізарныя вобласці і аналізаваць інфармацыю аб паветранай абстаноўцы.