Беларусь і Расія завяршаюць стварэнне ў Мінску цэнтра ствалавых клетак, паведаміў выконваючы абавязкі старшыні Прэзідыума НАН Беларусі Уладзімір Гусакоў, прымаючы ўдзельнікаў XV Сусветнага кангрэса рускай прэсы.

Цэнтр ствалавых клетак павінен стаць адной з вядучых структур у гэтай галіне на тэрыторыі СНД. 

Па яго словах у Расіі заканадаўча забаронена стварэнне цэнтраў ствалавых клетак з-за нядобрасумленных праяў камерцыйнага характару. Расійскія навукоўцы прыехалі са сваімі прапановамі ў Беларусь.

Таксама Расія і Беларусь плануюць дамовіцца аб узаемным прызнанні вынікаў даклінічных і клінічных выпрабаванняў. Гэта дазволіць беларускім лекавым прэпаратам хутчэй выходзіць на расійскі рынак.