Кіраўнік беларускай дзяржавы Аляксандр Лукашэнка лічыць Казахстан прывабным і перспектыўным партнёрам для Беларусі. Аб гэтым ён заявіў у Астане на двухбаковай сустрэчы з Прэзідэнтам Казахстана Нурсултанам Назарбаевым
      Па словах Аляксандра Лукашэнкі Беларусь гатова прымаць і прымае актыўны ўдзел у мадэрнізацыі Казахстана, паміж краінамі нямала сумесных праектаў і амаль няма праблем з іх рэалізацыяй. Што сведчыць аб высокім узроўні супрацоўніцтва. 
       Нурсултан Назарбаеў  у сваю чаргу адзначыў, што двухбаковы гандаль мае добрую тэндэнцыю да росту, а эканомікі краін узаемадапаўняльныя. Ён таксама запрасіў Аляксандра Лукашэнку наведаць Казахстан з афіцыйным візітам, каб прадметна абмеркаваць развіццё адносін.