Прэм'ер-міністр Беларусі Міхаіл Мясніковіч бачыць патэнцыял для развіцця гандлёва-эканамічных адносін з В'етнамам і звязвае "вялікія надзеі" з заключэннем пагаднення аб зоне свабоднага гандлю паміж Мытным саюзам Беларусі, Расіі і Казахстана з гэтай краінай. Пра гэта Міхаіл Мясніковіч заявіў падчас сустрэчы ў Мінску з прэм'ер-міністрам В'етнама Нгуен Тан Зунгам. Па словах беларускага прэм'ера, ён бачыць як мінімум 5 напрамкаў інтэнсіфікацыі гандлёва-эканамічнага супрацоўніцтва з В'етнамам. Міхаіл Мясніковіч  канстатаваў "нядрэнную дагаворна-прававую базу" паміж дзвюма краінамі, але выказаў меркаванне аб неабходнасці "ўзаемнай падтрымкі на дзяржаўным узроўні некаторых сумесных праектаў.