Літва выступае за патанненне шэнгенскіх віз для беларусаў. Заявіў Надзвычайны і Паўнамоцны Пасол Літвы ў Беларусі Эвалдас Ігнатавічус на прэзентацыі літоўскіх турыстычных магчымасцей у Мінску.
Кіраўнік літоўскай дыпламатычнай місіі выказаў меркаванне, што шэнгенскія візы для беларусаў павінны быць танней, а чэргі на беларуска-літоўскай мяжы менш.
Пасол таксама адзначыў, што беларусы ўсё больш актыўна наведваюць Літву, выбіраючы гэтую краіну для свайго адпачынку, аздараўлення і бізнес-сустрэч.