У Быхаўскім замку пачаты археалагічныя раскопкі. Тут працуюць вахтавым метадам студэнты-энтузіясты Магілёўскага дзяржаўнага ўніверсітэта імя  Куляшова. Ужо зроблены некалькі пробных шурфаў ў самым замку. Яны паказалі, што ва ўнікальным для Беларусі помніку ў стылі галандска-фламандскай архітэктуры захаваліся магутныя склепы, падвалы, а ў палацавай капліцы выяўлены фрагменты паліхромнага роспісу 17 стагоддзя. Падчас  раскопак  вучоныя спадзяюцца  знайсці унікальную зброю пачатку 17 стагоддзя, і, калі пашчасціць, адлітыя гарматы з гербам Сапегі, а таксама прадметы побыту, узоры керамікі. Першыя артэфакты --гарматныя ядры і карцеч перыяду Паўночнай вайны.