Тэатры з васьмі краін прадставяць спектаклі на VIII Міжнародным маладзёжным тэатральным форуме "М@rt.контакт", які пройдзе ў канцы сакавіка ў Магілёве. Сёлета тэатралы ўбачаць менш спектакляў, чым заўсёды, - усяго 14, затое геаграфія фестывалю пашырылася - у Магілёў прыедуць госці з Расіі, Украіны, Польшчы, Арменіі, Літвы, Латвіі і Малдовы. Большасць з іх будуць упершыню выступаць на магілёўскіх тэатральных падмостках. У ліку прынцыповых навінак гэтага года - спектакль пад адкрытым небам тэатра з Познані (Польшча), які жыхары і госці Магілёва змогуць наведаць бясплатна.