Міністэрства замежных спраў Беларусі

фота: www.belta.by

         Трое грамадзян Беларусі пацярпелі ад тэрактаў у Бельгіі і былі шпіталізаваны, - гаворыцца ў паведамленні прэс-службы Міністэрства замежных спраў нашай краіны. Яны атрымалі лёгкія цялесныя пашкоджанні  і ўжо выпісаны з бальніцы. Трое нашых суайчыннікаў знаходзіліся каля стойкі рэгістрацыі, калі прагрымеў выбух. Яны самі пакінулі будынак аэрапорта і пазней звярнуліся па медыцынскую дапамогу ў адну з клінік Бруселя. Як паведамілі ў пасольстве Беларусі, сям'я пастаянна пражывае ў Бельгіі і збіралася ляцець у ЗША.