Беларусь прапануе Літве удзел у праектах па стварэнні вытворчасцей у Кітайска-беларускім індустрыяльным парку “Вялікі камень”. Прапанову агучыў міністр эканомікі Уладзімір Зіноўскі на пасяджэнні беларуска-літоўскай камісіі па гандлёвым і эканамічным супрацоўніцтве ў Мінску. Ён асабліва адзначыў добрасуседскі характар адносін Беларусі і Літвы і наяўнасць агульных эканамічных інтарэсаў. У сваю чаргу міністр эканомікі Літвы Эвалдас Густас падкрэсліў, што захаванне і пашырэнне канструктыўнага супрацоўніцтва будзе спрыяць развіццю эканомік дзвюх краін. На яго думку, выпрацаваныя на пасяджэнні камісіі прапановы будуць спрыяць наладжванню новых кантактаў і партнёрскіх адносін.