Беларусь можа павялічыць перавалку грузаў праз парты Украіны. Пра гэта ў Адэсе заявіў міністр замежных спраў нашай краіны. Уладзімір Макей у час рабочага візіту ва Украіну правёў перамовы са старшынёй Адэскай абласной дзяржаўнай адміністрацыі Міхаілам Саакашвілі. У сустрэчы таксама прынялі ўдзел міністр замежных спраў Украіны Павел Клімкін і саветнік украінскага прэзідэнта Руслан Дземчанка. Гаворка ішла аб перспектывах узаемадзеяння ў сферы лагістыкі і транспарту, магчымасцях нарошчвання транзіту беларускіх тавараў па тэрыторыі Украіны. Партнёры абмяркавалі і ролю рэгіёнаў у развіцці беларуска-ўкраінскага дыялогу. Наша краіна зацікаўлена развіваць супрацоўніцтва з паўднёвымі абласцямі Украіны.