Шанхайская арганізацыя супрацоўніцтва выказала жаданне ўдзельнічаць у маніторынгу прэзідэнцкіх выбараў у Беларусі. Як паведаміла журналістам старшыня Цэнтрвыбаркама Лідзія Ярмошына, у краіне чакаецца таксама прысутнасць каля 40 доўгатэрміновых наглядальнікаў ад АБСЕ і 400 кароткатэрміновых.
Тым часам у Беларусі працягваецца збор подпісаў за вылучэнне кандыдатаў у прэзідэнты. У лідарах ініцыятыўная група Аляксандра Лукашэнкі. Яна сабрала амаль мільён подпісаў. Неабходны  для рэгістрацыі 100-тысячны рубеж пераадолелі таксама ініцыятыўныя групы Віктара Цярэшчанкі і Сяргея Гайдукевіча.