Як паведаміў пасол Беларусі ў Індыі Віталь Прыма, БелАЗ імкнецца заняць актыўную пазіцыю на індыйскім рынку, выразна разумеючы яго вялікую ёмістасць і патэнцыял. У студзені 2014 была ажыццёўлена пробная пастаўка чатырох кар’ерных самазвалаў грузападымальнасцю 110 тон, якія працуюць на вугальных разрэзах кампаніі “ЭМТА Коўл”. Затым адгружаны яшчэ шэсць 110-тонных самазвалаў БелАЗ на суму больш за 5 мільёнаў долараў. Цяпер беларускі бок разглядае магчымасць інвесціравання ў развіццё беларуска-індыйскага СП па абслугоўванні беларускіх кар’ерных самазвалаў, якія працуюць у Індыі.