Старшыня камітэта Дзярждумы Расіі па справах СНД і еўразійскай інтэграцыі Леанід Слуцкі назваў сітуацыю з абмежаваннямі паставак беларускай прадукцыі пераборам і заявіў, што забаронам павінна было папярэднічаць абмеркаванне сітуацыі. На думку парламентарыя, менавіта на дыялогу будуць будавацца адносіны ў Еўразійскім эканамічным саюзе, які пачне працу менш чым праз месяц. Такія ўзаемаадносіны будуць будавацца і з іншымі партнёрамі па Еўразійскай кааліцыі, адзначыў Слуцкі, маючы на ўвазе як Казахстан, так і Арменію і Кыргызстан, якія плануюць далучыцца да ЕАЭС.