У Нацыянальнай бібліятэцы адкрылася выстава японскай дыпмісіі "Традыцыі і культура Японіі". Гэта частка фестывалю "Японская восень у Беларусі", перадае БЕЛТА. Выстава суправаджаецца асобнай кніжнай экспазіцыяй, на якой прадстаўлена больш за 100 выданняў па японскай тэматыцы з фонду бібліятэкі. Асобнае месца ў кніжнай экспазіцыі займаюць выданні пра Іосіфа Гашкевіча - ураджэнца Беларусі, першага расійскага консула ў Японіі і аўтара японска-рускага слоўніка. Сёлета адзначаецца 200 гадоў з дня яго нараджэння.