Каб выйграць спаборніцтва, ўдзельніку трэба за пэўны час зняць на камеру як мага больш птушак у натуральных умовах. Пры гэтым неабходна не толькі зрабіць здымкі, але і вызначыць віды пярнатых. Арганізатарам мерапрыемства выступае грамадскае аб’яднанне “Ахова птушак Бацькаўшчыны”. Як растлумачылі тут, чэмпіянат мае адразу некалькі мэтаў. Па-першае, удзельнікі змогуць далучыцца да так званага руху “фотабёрдэраў” або аматараў фатаграфаваць птушак. Па-другое, пашыраць свае веды пра гарадскія віды, якія можна сустрэць на вуліцах Мінска.