Малдова мае намер выключыць усе бар'еры ў гандлёва-эканамічных адносінах з Беларуссю. Аб гэтым заявіў міністр эканомікі Малдовы Андрыян Канду на сустрэчы з беларускай дэлегацыяй, якая прыбыла ў Кішынёў для кансультацый па двухбаковым эканамічным супрацоўніцтве ў кантэксце падпісання пагаднення аб асацыяцыі Малдовы з Еўрапейскім саюзам. Андрыян Канду адзначыў неабходнасць захавання і развіцця эканамічных адносін Малдовы з традыцыйнымі партнёрамі. Ён запэўніў, што будзе ўстаноўлены пастаянны дыялог з беларускім бокам па ўсіх існуючых платформах, каб выключыць усе бар'еры для гандлёва-эканамічных адносін паміж дзвюма краінамі. Чарговае пасяджэнне міжурадавай беларуска-малдаўскай камісіі па гандлёва-эканамічным супрацоўніцтве пройдзе ў кастрычніку ў Мінску.