Старшынёй Савета Рэспублікі Нацыянальнага сходу Беларусі пераабраны Міхаіл Мясніковіч.

        Выступаючы перад сенатарамі, Міхаіл Мясніковіч адзначыў, што ў сучасных умовах краіны не могуць эфектыўна развівацца ў адзіночку. Індустрыяльна развітыя дзяржавы ствараюць эканамічныя і палітычныя аб'яднанні. Інтэрнацыяналізацыя эканомік, фінансаў, сацыяльных стандартаў, ваенна-стратэгічных задач патрабуе аб'яднання намаганняў нават моцных і вялікіх дзяржаў. Эканамічны пояс Шаўковага шляху, Трансціхаакіянскае партнёрства, Шанхайская арганізацыя супрацоўніцтва і іншыя новыя міжнародныя альянсы дапаўняюць раней створаныя рэгіянальныя і глабальныя структуры з улікам аб'ектыўных заканамернасцей сучаснага свету, - падкрэсліў Міхаіл Мясніковіч.