Намеснік міністра замежных спраў Беларусі прыме ўдзел у нефармальнай міністэрскай сустрэчы па "Усходняму партнёрству"

Намеснік міністра замежных спраў Беларусі Алена Купчына прыме ўдзел у 7-ым раўндзе нефармальных міністэрскіх дыялогаў краін - удзельніц ініцыятывы Еўрапейскага саюза "Усходняе партнёрства". Мерапрыемства адбудзецца 11-12 ліпеня у Кіеве. На перамовах таксама будзе прысутнічаць намеснік міністра эканомікі Беларусі Ірына Касцевіч. Праграмай прадугледжаны дыскусіі кіраўнікоў знешнепалітычных ведамстваў дзяржаў - членаў "Усходняга партнёрства" па перспектывах шматбаковага супрацоўніцтва ў рамках ініцыятывы. Акрамя таго, плануецца тэматычная сустрэча з удзелам міністраў эканомікі, прысвечаная пытанням развіцця малога і сярэдняга бізнесу.