Трэці форум рэгіёнаў Беларусі і Расіі праходзіць у Мінску.

          Беларусі і Расіі неабходна пры заключэнні кантрактаў рабіць прывязку не да долараў, а да нацыянальных валют. З такой прапановай выступіў спікер верхняй палаты беларускага парламента на пленарным пасяджэнні III Форуму рэгіёнаў Беларусі і Расіі. Міхаіл Мясніковіч заклікаў больш актыўна ствараць сумесныя прадпрыемствы, у тым ліку з трэцімі краінамі, і нагадаў, што ініцыятыва была ключавой падчас папярэдняга Форуму рэгіёнаў у Сочы.
Гэта важнейшая падзея ў жыцці Саюзнай дзяржавы праходзіць ужо трэці раз. Да ўдзельнікаў - вядомых бізнесменаў, сенатараў і губернатараў - далучыліся таксама прэзідэнты дзвюх краін. На своеасаблівым мультыкірмашы абмяркоўваюцца сумесныя праекты ў сферы эканомікі, сельскай гаспадаркі, навукі і культуры.