5 красавіка ў Вене збярэцца мінская група АБСЕ, каб абмеркаваць абвастрэнне канфлікту ў Нагорным Карабаху.

       Сітуацыю тут па-ранейшаму не могуць узяць пад кантроль. Канфліктуючыя бакі паведамляюць, што ў зоне сутыкнення азербайджанскай, армянскай армій і сіл непрызнанай Нагорна-Карабахскай рэспублікі ідуць баі. Прэзідэнт Беларусі раней заклікаў бакі карабахскага канфлікту да дыялогу. У тэлефоннай размове Аляксандр Лукашэнка падрабязна абмеркаваў сітуацыю, якая склалася з лідэрамі Азербайджана і Арменіі Ільхамам Аліевым і Сержам Саргсянам. Наша краіна паслядоўна выступае за мірнае вырашэнне сітуацыі. Цяперашняе абвастрэнне – найбольш вострае з 1994 года, калі бакі дамовіліся аб спыненні агню.