Арына Сабаленка стала паўфіналісткай адкрытага чэмпіянату ЗША па тэнісе, паведамляе БЕЛТА.
6 верасня ў чвэрцьфінале другая ракетка свету перамагла кітаянку Сіньвэнь Жэн, у якой 23-я пазіцыя ў рэйтынгу WTA, - 6:1, 6:4. На гэтым турніры Арына Сабаленка абыграла прадстаўніцу Бельгіі Марыну Занеўскую (112-ы нумар сусветнага рэйтынгу) - 6:3, 6:2, брытанку Джодзі Бэрэйдж (96) - 6:3, 6:2, францужанку Клару Бюрэль (62) - 6:1, 6:1 і расійскую тэнісістку Дар'ю Касаткіну (14) - 6:1, 6:3.
У чвэрцьфінале парнага разраду беларуская тэнісістка Вікторыя Азаранка і бразільянка Беатрыс Хадад Мая гуляюць з расійска-нямецкім дуэтам Вера Званарова / Таура Зігемунд.
US Open завершыцца ў Нью-Ёрку 10 верасня. Агульны прызавы фонд турніру ў гэтым годзе складае рэкордную суму - $65 млн. Пераможцы ў мужчынскім і жаночым адзіночным разрадах атрымаюць па $3 млн. У мінулым годзе чэмпіёнамі сталі іспанец Карлас Алькарас і полька Іга Свёнтак.
Les emetteurs FM et leur couverture:
Rakitnitsa – 106.2 MHz
Grodno – 95.7 MHz
Svisloch – 104.4 MHz
Gerniony – 99.9 MHz
Braslav – 106.6 MHz
Miadel – 102.0 MHz
Radiodiffusion par satellite :
voir les paramètres de réception ici
